السلام عليكم
بصراحة منظر عجيب .. و تهليل اعجب من المواقع البيضاء و مشجعي الابيض .. مش عارف ايه اللي جري للناس ..تعاقد الزمالك مع لاعب كويس .. اكيد كلنا شوفناه في امم افريقيا .. و لكن يقال انها اقوي صفقة في التاريخ فده شيء يضحك .. عايز بس نرجع للماضي
* تعاقد الزمالك مع لاعب مالي يدعي عثمانو تألق مع منتخب مـالي في تونس 94 .. و كان له الفضل في وصول مالي الي نصف النهائي .. و طبعا قامت الدنيا و اقيمت الافراح بالتعاقد مع هذا اللاعب القذ لدرجة ان اللاعب تم اشراكه في مبارة الاهلي و الزمالك كأول مبارة رسمية له مع الزمالك و قدم اداء كوميدي لدرجة انه كان بيستلم من زملائه و يديها لمدافعي الاهلي و خسر الزمالك بثلاثية من عبد الجليل و ابراهيم حسن و محمد يوسف .. و كانت اول و اخر مبارة له مع الزمالك
* تعاقد الاهلي في 96 مع لاعب مشهور جدا اسمه جورج ارثر .. لاعب كوتوكو و كان مميز جدا مع المنتخب و الفريق .. اللي لعب نهائي بطولة افريقيا امام الزمالك .. و قدم مستوي ضايع مع الاهلي
* تعاقد نادي النصر السعودي .. مع النجم دينلسون .. في صفقة مدوية و عالمية بجد .. و لكن اللاعب ادي بمستوي متواضع جدا .. مع الفريق و تم تسريحه
ياريت نكون عقلانيين .. لان مفيش فانلة هتلعب لوحدها واسباب كتير .. ممكن تجعل اللاعب اداؤه دون المستوي .. لذلك ضمان نجاح اي صفقة هو الملعب
و كمان نسيت اقول ان لاعب زي عمرو زكي افضل بكتير اوي من اجوجو
و الملعب دائما هو الفيصل يا ناس يا فاهمين .. مصر ليها تاريخ كبير من الصفقات
الجمعة يونيو 13, 2008 11:48 am