كنت ااقول ان الامثال الشعبية ما هى الا عادات وتقاليد فقط بين كبار الناس ولكنى اليوم وبعد تفكير عميق تاكدت من المثل اللى بيقول (يخلق من الشبه 40)ولكن الشبه هذه المرة فى كل شىء الاخلاق والشكل والاسم وكل شىء ما عدا شىء واحد وسوف نعرفه فى داخل الموضوع .
طبعا انتوا عارفين انا بتكلم عن مين عن النجم الخلوق محمد محمد ابو تريكة اللى لحد دلوقتى معرفش هو فين انا فى اعتقادى انه لسة فى غانا مرجعش !!!!!!!!!
متستغربوش اوى كده انا حقولكم وجهة نظرى .
ابو تريكة مفيش اتنين يختلفوا على انه من اروع ما انجبت الكرة المصرية ابو تريكة اللى كل نجوم العالم اشادت بيه وبمهاراته بس فين هو الله اعلم .
ابو تريكة من ساعت ما رجع من غانا وهو شخص تانى يفقد اللياقة وتمريراته السحرية ومهاراته التى ابهرنا بها طول مدة لعبه للساحرة المستديرة .
هناك اكتر من تفسير للى بيحصل لامير القلوب :
1- ان تكون الكرة فى عناد معه زى ما زيدان قال قبل ما يعتزل وهو فى عز مجده انه الكرة مش راضية تصالحه وفى حالة جفاء بينهم
2-انه يكون مشغول بالعروض اللى جاتله وبيفكر فيها وده احتمال انا نفسى مش داخل دماغى لانه هو اللى رفض عرض خيتافى بعد ما وافقت لجنة الكرة
3-انه عمل زى ما الجهاز اللى عندى عمل فيا ( اقصد طبعا الكمبيوتر ) حه عليه وقت وكان تقيل اوى وبيهنج والنت كان بيفصل منه كل شوية ولكن بعد ما نزلت ويندوز جديد رجع زى الاول واحسن ( فهل يا ترى ابو تريكة يحتاج الى ويندوز برده ) يعنى بالعربى محتاج يعيد حساباته تانى ويقرر هو عايز ايه بالظبط
4- دى بقى انا حسيبهالكم انتوا عشان انا احتارت فيها ومش عارف الاقى تفسير تانى
ووفى النهاية سيبقى ابو تريكة هو امير القلوب والمعشوق الاول لكل الجماهير العربية
والسلام عليكم ورحمة الله وبركاته
الأحد يونيو 08, 2008 10:14 pm